خراپکاران ترسنۆک و هیچ له‌ ده‌ست نه‌هاتوون

دوێنێ له‌ رێگای به‌ڵگه‌فیلمێکه‌وه‌ که‌ له‌سه‌ر رۆڵی پێگه‌ ئینته‌رنێتییه‌کان له‌ فۆڕماندنی چالاکییه‌ سیاسی ـ جڤاکییه‌کان ساز کرابوو، زانیم که‌ وڵاتی چین زیاتر له‌ 30 هه‌زار بۆچوون نووسی دامه‌زراندووه‌ بۆ به‌شداریکردن له‌‌و شه‌ڕه‌دا که‌ ئه‌وان به‌ “شه‌ڕی ئه‌لکترۆنی له‌گه‌ڵ ئاژاوه‌گێران” به‌ناوی ده‌که‌ن

هاوڕێیه‌کم له‌ ناوخۆی وڵات خه‌ریکه‌ سه‌کۆیه‌کی نوێ داده‌مه‌زرێنێ بۆ چیرۆکی کوردی و ئه‌و رۆژانه‌ش،له‌ رێگای هه‌واڵێکه‌وه‌ له‌سه‌ر وێبلاگه‌که‌ی، هه‌نگاوی یه‌که‌می ئه‌و هه‌وڵه‌ی خۆی ئاشکرا کرد (more…)

April 5, 2011 at 15:08 1 comment

له‌ جیهانێکی مه‌جازیشدا هه‌ر “ناهێڵن ئاسووده‌ دانیشم له‌ داوێنی چیام”

دیســان فیلتێر ـ ئه‌وه‌ جاری چه‌نده‌مـه‌؟ ئه‌ورۆ زانیم که‌ وێبلاگی دووهه‌میشم له‌ ئێران و کوردستان فیلتێر کراوه‌. دوو جار سایته‌که‌ و ئه‌وه‌ دوو جاریش وێبلاگه‌که‌م. رێکۆرده‌ رێکۆرد
نایه‌ڵن له‌ جیهانێکی مه‌جاریشدا سه‌ردانی شاره‌که‌م بکه‌م و تاوێک به‌ ئاسووده‌یی له‌گه‌ڵ که‌سه‌کانم دانیشم.

March 25, 2011 at 13:32

ته‌ماشا که‌ن چ سه‌یرێکه‌، به‌ ده‌ستی دیله‌وه‌ دیلم

له‌ چه‌ند ساڵی رابردوودا و له‌ په‌راوێزی ئه‌و هه‌موو نه‌گبه‌تییه‌ یه‌ک له‌ دوای یه‌کانه‌ی ده‌ست و پێی پرۆژه‌ سیاسییه‌کانی ئۆپۆزیسیۆنی کوردی رۆژهه‌ڵاتیان ئاڵقه‌ڕێز کردووه‌، ژماره‌یه‌کی زۆر “خه‌مخۆر”مان لێ په‌یدا بوون و به‌ راست و چه‌پدا حیزب و رێکخراوی سیاسیمان بۆ داده‌مه‌زرێنن؛ وه‌ک بڵێی حیزب دامه‌زراندن هه‌ر ئه‌و گاڵته‌ و گه‌په‌ بێ‌ که‌ ئێمه‌ رۆژانی بێکاریی سه‌رده‌می منداڵیمان پێ تێپه‌ڕ ده‌کرد ـ ئه‌و کاته‌ گه‌مه‌یه‌ک هه‌بوو پێمان ده‌گوت “شا شایێن”، هه‌ر جاره‌ و یه‌کێکمان ده‌بووینه‌ “شا” و ئه‌وانی دیش به‌رده‌ستمان بوون، سواری کۆڵیان ده‌بووین، سینگمان ده‌رده‌په‌ڕاند و ده‌ستوورمان به‌سه‌ردا لێ ده‌دان … هه‌رچه‌ند سوور سوور ده‌مانزانی شایه‌تییه‌که‌مان فشه‌یه‌، به‌ڵام دیسانیش ئه‌و چه‌ند چرکه‌ ساته‌ی نۆره‌مان بوو هه‌وای به‌رزه‌فڕیی له‌ که‌لله‌ی ده‌داین و که‌یفمان ده‌کرد. (more…)

March 22, 2011 at 14:14 3 comments

به‌ کام رووتان باوه‌ڕ بکه‌م

حکوومه‌تی هه‌رێمی کوردستان و ده‌ست و پێوه‌نده‌کانیان ـ به‌ تایبه‌تیش نانخۆره‌ رۆژهه‌ڵاتییه‌کانیان ـ هه‌ر له‌ سه‌ره‌تای ده‌ستپێکردنی کۆبوونه‌وه‌ ناڕه‌زایه‌تییه‌کانی خه‌ڵکی باشووره‌وه‌، خۆپیشانده‌ران و به‌ تایبه‌تیش هێندێک له‌ لایه‌نه‌کانی‌ ئۆپۆزیسیۆنی باشووریان به‌وه‌ تاوانبار کرد که‌ “به‌ فیتی کۆماری ئیسلامیی ئێران” ده‌ستیان دابێته‌ ناڕه‌زایه‌تی. هه‌تا هێندێک له‌و ده‌نگۆیانه‌ راسته‌وخۆ په‌نجه‌ی سوپای قودسی سه‌ر به‌ سوپای پاسدارنیشیان له‌ خۆپیشاندانه‌کاندا ده‌دیت. به‌ پێی ئه‌و بۆچوونه،‌ ده‌بێ حکوومه‌تی هه‌رێم نه‌یار و خه‌ڵکی ناڕازیش دۆستی کۆماری ئیسلامیی ئێران بن!

ئێستا هه‌رچه‌ند هاتوباتی ئه‌و تاوانبارکردنه‌ هێورتر بۆته‌وه‌، به‌ڵام به‌ شێوه‌ی جۆراوجۆر هه‌ر درێژه‌ی هه‌یه‌. راست له‌و سه‌روبه‌نده‌دا سه‌رۆکی حکوومه‌تی هه‌رێم د. به‌رهه‌م ساڵح، له‌گه‌ڵ باڵوێزی ئێران له‌ عێراق کۆده‌بێته‌وه‌ و ئه‌و لێدوانه‌ی خواره‌وه‌ش ده‌داته‌ ئاژانسی هه‌واڵی فارس. (more…)

March 13, 2011 at 01:16 1 comment

دڵێکی به‌دکار

ئاریس فیۆریتۆس

ئه‌و دواتر هه‌میشه‌ زوو خه‌وی لێ ده‌که‌وت، ئارام و به‌تاڵ له‌ خه‌یاڵ، ده‌تگوت له‌ هه‌وا دروست کراوه‌. کابرا وا راهاتبوو له‌لای پشته‌وه‌ی راکشێ، قه‌له‌وێکی نه‌رم، ده‌ستێکی له‌ ناوقه‌دی ده‌ئاڵاند و گه‌رمایی ده‌میشی ده‌خسته‌ سه‌ر پشته‌ملی. ئه‌و دوانیوه‌ڕۆیه‌‌ش که‌ له‌سه‌ر مۆبڵه‌ چه‌رمه‌که‌ راکشابوون، جیاوازیی له‌گه‌ڵ ئه‌وانی پێشوو نه‌بوو. به‌ڵام ئه‌و به‌هۆیه‌ک نه‌یده‌توانی چاوان لێک نێ و بخه‌وێ. (more…)

March 11, 2011 at 15:26 1 comment

سه‌باره‌ت به‌ په‌یدابوونی زمان ـ به‌شی سێهه‌م و کۆتایی

پڕۆفسۆر پێته‌ر یێرده‌فۆرش

سه‌رئه‌نجام پرسیاری سێهه‌م: چۆنه‌ ئێمه‌ ده‌ئاخڤین؟ ئه‌رکی زمان له‌ سه‌ره‌تاوه‌ چی بووه‌؟

ئه‌من ده‌مه‌وێ سه‌ره‌تا ئاماژه‌ به‌وه‌ بکه‌م که‌ زمانی ئاخافتنی مرۆڤ نرخێکی زیاتری بۆ دراوه‌ له‌وه‌ی ئێمه‌ بیری لێ ده‌که‌ینه‌وه‌. دابه‌زینی پیوازۆکه‌ی ئه‌وک له‌ لای “هۆمۆ ساپیێنس” خه‌سارێکی گه‌وره‌یه‌ له‌ مرۆڤ که‌وتووه‌، چوونکا جۆگه‌له‌ی گه‌رووی خواردن و هه‌ناسه‌دان تێکه‌ڵ بووه‌؛ ئه‌وه‌ش به‌ نۆبه‌ی خۆی مه‌ترسیی خنکان زیاتر ده‌کات، ئه‌گه‌ر بێتو خواردن رێیه‌کی هه‌ڵه‌ هه‌ڵبژێرێ و به‌ جۆگه‌له‌ی هه‌ناسه‌داندا بڕواته‌ خوارێ. که‌وایه‌ ده‌بێ سوودی گه‌شه‌ناوه‌ندانه‌ی زمان له‌وه‌ زۆرتر بێ هه‌تا بتوانێ ئه‌و خه‌ساره‌ قه‌ره‌بوو بکاته‌وه‌. (more…)

March 9, 2011 at 02:20

په‌یام له‌ یاره‌ دووره‌کانه‌وه‌!

 ڕابه‌ر فاریق

مرۆڤ له‌ دایک ده‌بێ، به‌ڵام به‌ بێ زمان. ئه‌وه‌ی مانا به‌ بوونی زمانیش ده‌دا، مرۆڤه‌. ئه‌وه‌ دایکه‌ کۆرپه‌ فێر ده‌کا چۆن په‌یڤه‌کان بناسێ و گۆیان بکا، لێره‌وه‌ تێده‌گه‌ین، زمان له‌ ڕێی بوونه‌وه‌ره‌وه‌ ده‌پارێزرێ، نه‌ک به‌ پێچه‌وانه‌که‌ی. مرۆڤ که‌ نه‌زانێ بپه‌یڤێ، ڕێێه‌ک هه‌یه‌، لێیه‌وه‌ فێری په‌یڤین ده‌بێ، ئه‌ویش مرۆڤی دیکه‌یه‌. مرۆڤ له‌ ڕێی په‌یڤینه‌وه‌، به‌شێک له‌و خواستانه‌ بۆ ئه‌وانیتر ده‌گوازێته‌وه‌، که‌ له‌ ده‌وروبه‌رین. مرۆڤ له‌ سه‌روه‌ختی له‌ دایکبوونیدا وه‌ک قوتووی به‌تاڵه‌، مرۆڤه‌کانی تر و بوونه‌وه‌ره‌کانی تر و بیرکردنه‌وه‌ به‌رده‌وامه‌کانی، ڕێڕه‌و و ئامانجه‌کانی ده‌خه‌نه‌ به‌ر ده‌م و هۆکاری هه‌ره‌ بنیاتی ده‌بن، بۆ ئه‌وه‌ی وه‌ک تاکه‌که‌س، کۆمه‌ڵگه‌ له‌ خۆیدا بتوێنێته‌وه‌، یان به‌ پێچه‌وانه‌وه‌. به‌ڵام زۆرجار ئه‌وه‌ ده‌بینین، نه‌ک خه‌ڵک، به‌ڵكوو نووسه‌رانیش فۆرمێک به‌رهه‌م دێنن، که‌ ده‌کرێ بڵێم: کۆمه‌ڵگه‌ی تاکه‌که‌سییه‌، کۆمه‌ڵگه‌ی تاکه‌که‌سی به‌و مانایه‌یه‌: نووسه‌ر، هێندێک کات خۆی ده‌کاته‌ ده‌مڕاستی کۆمه‌ڵگه‌، یا ده‌سته‌بژێرێکی کۆمه‌ڵگه‌ و له‌و ڕێیه‌وه‌ کار بۆ کۆمه‌ڵه‌ئامانجی ترسناکی تاکه‌که‌سی ده‌کا… ئه‌گه‌ر مرۆڤ خواستی هه‌بوو، ده‌سته‌ڵات و شکۆمه‌ندییه‌ بێ زیانه‌کانی بمێننه‌وه‌، هه‌وڵی پاراستنیان ده‌دا، بێ ئه‌وه‌ی بهێڵی ببێته‌ کۆمه‌ڵگه‌ی تاکه‌که‌سی. که‌وابوو: مرۆڤ زۆرکات پێوه‌سته‌ به‌ ڕابوردووه‌وه‌، بێ مه‌یل، یان بێ ئه‌وه‌ی له‌مه‌ به‌ ئاگا بێ. له‌مه‌وه‌ تێده‌گه‌ین: ته‌نیا زمان له‌ سه‌روو مرۆڤه‌وه‌یه‌، هه‌ر زمانیشه‌ ڕه‌وتار و په‌یڤینه‌کانی هه‌ر کام له‌ تاکه‌کان، بۆ ئه‌وانیتر ده‌گوازێته‌وه‌.

(more…)

March 3, 2011 at 20:58

Older Posts


ئه‌رشیڤ

December 2016
M T W T F S S
« Apr    
 1234
567891011
12131415161718
19202122232425
262728293031  

سه‌رژمێریی میوان

  • 38,196 میوان سه‌ردانیان کردووم