پاولۆ کۆیللۆ هه‌وڵی ڕزگارکردنی نووسه‌رێکی ئێرانی ده‌دا

حوزه‌یران 29, 2009 at 21:21

Germany Book Fair Coelho

 

ڕێنێسانس نیوز؛ نووسه‌رێکی ناسراوی برازیلی داوا له‌ حکوومه‌تی بریتانیا ده‌کا گیانی ئه‌و نووسه‌ره‌ ئێرانییه‌ له‌ مه‌ترسی ڕزگار بکا که‌ له‌ کاتی گیان سپاردنی نێدا ئاقا سوڵتانیدا به‌ سه‌ر سه‌ریه‌وه‌ بووه‌ و ویستوویه‌تی له‌ مه‌رگ ڕزگاری بکا.

نووسه‌ر و پزیشکی ئێرانی د. ئارش حیجاری، که‌ له‌ کاتی کوژرانی نێدا ئاقا سوڵتانیدا به‌ ڕێکه‌وت له‌ شوێنی ڕووداوه‌که‌ بووه‌، ڕایگه‌یاند که‌ میلیشیایه‌کی سه‌ر به‌ به‌سیج ته‌قه‌ی له‌ نێدا کردووه‌ و ئه‌وه‌شی ڕوونکرده‌وه‌ که‌ وێنه‌ و کارتی پێناسی چه‌کداره‌که‌ ئێستا له‌ده‌ست شارۆمه‌ندان دایه‌.

 

به‌گوێره‌ی قسه‌کانی حیجازی شارۆمه‌ندانی ناڕازی هێرشیان کردۆته‌ سه‌ر ئه‌و تاقمه‌ چه‌کداره‌ که‌ ته‌قه‌یان له‌ نێدا کردووه‌ و توانیویانه‌ یه‌کێکیان لێ چه‌ک بکه‌ن. وه‌ک حیجازی ڕوونیکردۆته‌وه‌ به‌سیجییه‌که‌ دانی به‌وه‌ دا ناوه‌ که‌ ئه‌و ته‌قه‌ی له‌ نێدا کردووه‌، به‌ڵام جه‌ختی کردۆته‌وه‌ که‌ نه‌یوه‌یستووه‌ بیکوژێ.

arash hejazi-1
د. حیجازی که‌ له‌ فیلمی کوژرانی نێدا دا، له‌ کاتی هه‌وڵدان بۆ ڕزگارکردنیدا به‌ سه‌ر سه‌ری کوژراوه‌که‌وه‌ ده‌بینرێ، دوای ڕووداوه‌که‌ توانیویه‌تی بگه‌ڕێته‌وه‌ وڵاتی ئینگلیس و له‌ زانکۆی ئۆکسفۆرد سه‌رقاڵی نووسینی دوکتۆرای؛‌. به‌ڵام وه‌ک خۆی به‌ به‌شی ئینگلیزیی بی بی سی گوتووه: تا مانگێکی تر ڤیزه‌که‌ی ته‌واو ده‌بێ” و گومانیش ده‌کا بۆی تازه‌ نه‌کرێته‌وه.‌‌

 

 

Neda&Hijazi

 

له‌و پێوه‌ندییه‌دا ڕۆماننووسی ناسراوی برازیلی “پاولۆ کۆیللۆ” له‌ لێدوانێکدا بۆ رۆژنامه‌ی “تێلێگراف” ئاماژه‌ی به‌وه‌ کردووه‌ که‌ د. حیجازی توانیویه‌تی دوای ڕووداوه‌که‌ ئێران به‌جێ بێڵێ به‌ڵام ئه‌گه‌ر بێتو ماوه‌ی ڤیزه‌که‌ی درێژ نه‌کرێته‌وه‌، هیچ شوێنێکیب دیکه‌ی نییه‌ بۆی بچێ بێجگه‌ له‌ ئێران. وه‌ک کۆیللۆ ئاژماژه‌ی پێکردووه‌ “له‌ ئێران، به‌هۆی ئه‌وه‌ی ورده‌کاریی کوژرانی کچه‌ لاوه‌که‌ی بۆ مێدیاکان ئاشكرا کردووه‌، گیانی له‌ مه‌ترسیدایه‌”.

ڕوونیشی کردۆته‌وه‌ که‌ د. حیجازی به‌هیچ جۆرێک نایه‌وێ بگه‌ڕێته‌وه‌ ئێران، به‌ڵام ئه‌گه‌ر ماوه‌ی ڤیزه‌که‌ی به‌سه‌ر بچێ، نازانێ بچێته‌ کوێ.

پاولۆ کۆیللۆ له‌ کۆتاییدا گوتیشی: “ئه‌من ده‌ست ده‌خه‌مه‌ ناو ئه‌و کێشه‌وه‌ بۆ ئه‌وه‌ی داموده‌زگا په‌یوه‌ندیداره‌کانی بریتانیا ڤیزه‌که‌ی بۆ نوێ بکه‌نه‌وه‌. ئه‌مه‌ کێشه‌یه‌که‌ له‌ چوارچیوه‌ی حقووق و مرۆڤایه‌تیدا.”

Advertisements

Entry filed under: کۆنه‌بابه‌ت.

عه‌جولانه‌ ده‌بینم؛ شێعری تیشکه‌ محه‌مه‌د پوور رێنسانسێکی نوێ له‌ راگه‌یاندنی کوردیدا؛ به‌ بۆنه‌ی وه‌شانی نوێی رێنسانس


ئه‌رشیڤ

حوزه‌یران 2009
د س W پ ه ش ی
« مارس   تەموز »
1234567
891011121314
15161718192021
22232425262728
2930  

سه‌رژمێریی میوان

  • 38,484 میوان سه‌ردانیان کردووم

%d هاوشێوەی ئەم بلۆگەرانە: