دوو کۆمپانیای رۆژئاوایی یارمه‌تیی ده‌زگای هه‌واڵگریی ئێرانیان داوه‌

ئاب 25, 2009 at 18:41

ڕێنێسانس نیوز؛ ستۆکهۆڵم: هه‌ردوو کۆمپانیای نێوده‌وڵه‌تیی “نۆکیا” و “سیمێنس”، له‌ ڕێگای ته‌کنیکی ئه‌لکترۆنییه‌وه‌ یارمه‌تیی ده‌زگای هه‌واڵگریی کۆماری ئیسلامیی ئێرانیان داوه‌ له‌ سیخوڕیکردن به‌سه‌ر هێزه‌کانی ئۆپۆزیسیۆندا.له‌ وتارێکدا که‌ سه‌رۆکی بیرۆی سوێدی “هه‌واڵده‌رانی بێسنوور”، نووسه‌ر و رۆژنامه‌نووس “یه‌سپه‌ر به‌نگتسۆن” له‌ گۆڤاری (Journalisten)دا بڵاوی کردۆته‌وه،‌ ئاشکرا کراوه‌ که‌ کۆمپانیای “نۆکیا سیمێنس نێتوۆڕک” ساڵی ڕابردوو گرێبه‌ستێکی له‌گه‌ڵ کۆمپانیای ته‌له‌فۆنی ده‌وڵه‌تیی ئێراندا مۆر کردووه‌.

وته‌بێژی کۆمپانیاکه‌  “بێن ڕووم” که‌ زانیارییه‌کانی بۆ رۆژنامه‌که‌ پشتڕاست کردۆته‌وه‌، ڕاشیگه‌یاندووه‌ که‌ ته‌کنیکی کۆنتڕۆڵکردنی په‌یوه‌ندییه‌ ئه‌لکترۆنییه‌کان، ساڵی ڕابردوو له‌لایه‌ن کۆمپانیاکه‌یانه‌وه‌ به‌رهه‌م هێنراوه‌ و هه‌ر ساڵی ڕابردووش دراوه‌ به‌ کۆمپانیایه‌کی ده‌وڵه‌تی له‌ ئێران.

ئه‌وه‌شی ڕاگه‌یاند که‌ ئه‌و ته‌کنیکه‌ به‌شێک بووه‌ له‌ هه‌نارده‌یه‌کی گه‌وره‌تر که‌ کۆمپانیاکه‌ ساڵی ڕابردوو به‌ ئێرانی فرۆشتووه‌.

به‌گوێره‌ی وتاره‌که‌ی “به‌نگتسۆن” ئه‌و ته‌کنۆلۆژیایه‌، نه‌ته‌نیا ده‌توانێ وه‌بسایته‌کان فیلته‌ر بکا، به‌ڵکوو به‌ شێوه‌یه‌کی ئۆتۆماتیکیش ناوه‌رۆکی هه‌موو وه‌بسایت و وه‌بنووسه‌کان کۆنتڕۆڵ ده‌کا. ڕوونیش کراوه‌ته‌وه‌ که‌ ته‌کنۆلۆژیایه‌که‌ له‌ لایه‌ن ده‌زگای هه‌واڵگریی ئێرانه‌وه‌ که‌ڵکی لێ وه‌رده‌گیرێ.

ئه‌و سه‌رۆکه‌ی “هه‌واڵده‌رانی بێسنوور”، که‌ ڕه‌خنه‌ی توند له‌و هه‌ڵوێسته‌ی “نۆکیا سیمێنس نێت وۆڕک” ده‌گرێ، ئاماژه‌ به‌وه‌ش ده‌کات که‌ ئه‌وه‌ جاری یه‌که‌م نییه‌ کۆمپانیا ڕۆژئاواییه‌کان یارمه‌تیی ڕژیمه‌ سه‌ره‌ڕۆکان ده‌ده‌ن، له‌ ڕاونان و ئه‌شکه‌نجه‌کردنی هێزه‌کانی ئۆپۆزیسیۆندا.

Advertisements

Entry filed under: کۆنه‌بابه‌ت.

سه‌رۆک ئه‌رکانی سوپا حکوومه‌تی تورکیا وشیار ده‌کاته‌وه‌ قه‌ڵاچۆکردنی دارستانه‌کانی کوردستان


ئه‌رشیڤ

ئاب 2009
د س W پ ه ش ی
« تەموز   ئیلول »
 12
3456789
10111213141516
17181920212223
24252627282930
31  

سه‌رژمێریی میوان

  • 38,451 میوان سه‌ردانیان کردووم

%d هاوشێوەی ئەم بلۆگەرانە: