“جوندوڵا” سه‌رۆک عه‌شیره‌ته‌لانی ئاوه‌ڵبه‌ندی ده‌وڵه‌ت وشیار ده‌کاته‌وه‌

ئاب 31, 2009 at 19:25

ڕێنێسانس نیوز؛ له‌ بڵاڤۆکێکدا که‌ له‌ سه‌ر تۆڕی ئینته‌رنێت بڵاویکردۆته‌وه‌، “جوندوڵا”ی بلوچستان ئاوه‌ڵبه‌نده‌ خۆجێی‌یه‌کانی ده‌وڵه‌ت وشیار ده‌کاته‌وه‌ که‌ “ده‌ست له‌ خه‌یانه‌ت هه‌ڵگرن” ده‌نا وه‌ک ئه‌وان ده‌ڵێن “به‌ سزای خه‌یانه‌ته‌کانیان ده‌گه‌ن.”

له‌ بڵاڤۆکه‌که‌دا که‌ له‌ وه‌بنووسی فه‌رمیی جوندوڵادا بڵاوکراوه‌ته‌وه‌ هاتووه‌: “ڕژیم و سوپای پاسداران ده‌یانه‌وێ به‌ که‌ڵکوه‌رگرتن له‌ سه‌رۆک عه‌شیره‌ته‌ به‌کرێگیراوه‌کان، که‌ هیچ ئیدۆلۆژی و باوه‌ڕێکیان نییه‌، میلله‌تی بلووچ تێک به‌رده‌ن و به‌ پێی سیاسه‌تی پیسی په‌رتکه‌ و زاڵبه‌ درێژه‌ بده‌ن به‌ حکوومه‌تکردن به‌سه‌ر میلله‌تی بلووچدا.

بڵاڤۆکه‌که‌ جه‌ختی ده‌کاته‌وه‌ که‌ “سه‌رده‌می ناکۆکییه‌ خێڵه‌کییه‌کان به‌سه‌رچووه‌ و ئه‌موڕۆ میلله‌تی بلووچ وشیار بۆته‌وه‌ و له‌ هه‌ر خێڵ و عه‌شیره‌یه‌ک بێ برا و هاوشانی یه‌کتره‌.”

بزووتنه‌وه‌ی “جوندوڵا” که‌ ماوه‌ی چه‌ند ساڵێکه‌ ده‌ستی داوه‌ته‌ چه‌ک، هه‌ڵوێستی ئه‌و لاوه‌ بلووچانه‌ به‌رز ده‌نرخێنێ که‌ چه‌کیان له‌ ده‌وڵه‌ت وه‌رگرتووه‌ به‌ڵام چوونه‌ ڕیزی بزووتنه‌وه‌که‌یانه‌وه‌ و داواش له‌ دیکه‌ی لاوانی بلووچ ده‌کا هه‌مان ڕێگا هه‌ڵبژێرن.

له‌و بواره‌وه‌ ده‌نووسێ: “بزووتنه‌وه‌که‌مان دژی چه‌کوه‌رگرتن له ڕژیم نییه‌، به‌ڵام خه‌ڵک ده‌بێ بزانێ که‌ چۆن که‌ڵک له‌و چه‌که‌ وه‌ربگرێت.”‌

له‌ کۆتاییشدا جارێکی دیکه‌ ئه‌و سه‌رۆک خێڵ و عه‌شیره‌‌تانه‌ وشیار ده‌کاته‌وه‌ که‌ “ده‌ست له‌ خه‌یانه‌ت هه‌ڵگرن” ده‌نا به‌ پێچه‌وانه‌وه‌ چاوه‌ڕوانی هه‌ڵسوکه‌وتی توندی هێزه‌کانی ڕێکخراوه‌که‌یان بن.

Advertisements

Entry filed under: کۆنه‌بابه‌ت.

ئه‌ندام پارله‌مانێکی “یه‌کگرتوو” له‌گه‌ڵ کۆنسولی ئێران کۆبۆته‌وه‌ شوان حه‌مه‌: ئۆپۆزیسیۆن پێویستییه‌کی ژیانیی هه‌ر کۆمه‌ڵگه‌یه‌که‌


ئه‌رشیڤ

ئاب 2009
د س W پ ه ش ی
« تەموز   ئیلول »
 12
3456789
10111213141516
17181920212223
24252627282930
31  

سه‌رژمێریی میوان

  • 38,484 میوان سه‌ردانیان کردووم

%d هاوشێوەی ئەم بلۆگەرانە: