“سه‌رۆکوه‌زیری کانادا داوای لێبوردن له‌ کورده‌کان بکات”

ئه‌یلول 2, 2009 at 19:43

ڕێنێسانس نیوز؛ کورده‌کانی دانیشتووی ئه‌مریکا و کانادا، له‌ کۆبوونه‌وه‌یه‌کی جه‌ماوه‌ریدا داوا له‌ سه‌رۆکوه‌زیرانی کانادا ده‌که‌ن به‌ فه‌رمی داوای لێبوردن له‌ خه‌ڵکی کورد بکات، به‌هۆی ئه‌وه‌ی پۆلیسی وڵاته‌که‌ی له‌ ناوه‌راستی مانگی ڕابردوودا به‌ شێوه‌یه‌کی ناشایست هه‌ڵسوکه‌وتیان له‌گه‌ڵ شڤان په‌روه‌ر و هاوڕێکانی کردووه‌.

له‌ لێدوانێکی چاپه‌مه‌نیدا که‌ نموونه‌یه‌کیان بۆ ڕێنێسانس نیوز ڕه‌وانه‌ کردووه‌، کۆمیته‌ی ئاماده‌کاری خۆپیشاندانه‌که‌ ڕایگه‌یاند کوردستانیانی دانیشتووی ئه‌مریکا و کانادا،‌ رۆژی هه‌ینی، (4/9/2009)، بۆ ناڕه‌ازیه‌تی ده‌ربڕین له‌و هه‌ڵسوکه‌وته‌ ناشایسته‌ی که‌ پۆلیسی کانادا له‌گه‌ڵ هونه‌رمه‌ندی کورد شڤان په‌روه‌ر و هاوڕێکانی کردوویه‌تی، کۆبوونه‌وه‌یه‌کی جه‌ماوه‌ری له‌ به‌ر ده‌رگای کۆنسولخانه‌ی کانادا له‌ واشنگتن دی سی وه‌ڕێ ده‌خه‌ن.

له‌ کۆبوونه‌وه‌که‌دا که‌ بڕیاره‌ له‌ کاتژمێر 12 تا دووی دوانیوه‌ڕۆ (به‌کاتی هه‌رێمی) به‌ڕیوه‌ بچێ، داوا له‌ سه‌رۆکوه‌زیرانی ده‌وڵه‌تی کانادا، ستێفن هارپێر ده‌که‌ن “به‌ فه‌رمی داوای لێبوردن له‌ خه‌ڵکی کورد و هونه‌رمه‌ند شڤان په‌روه‌ر بکات”.

به‌ گوێره‌ی لێدوانه‌که‌، رۆژی شه‌ممه‌ (5/9/2009) کۆبوونه‌وه‌یه‌کی هاوشێوه‌ له‌ (Queens Park ) له‌ شاری “ئۆنتاریۆ”، ئه‌و شاره‌ی شڤان په‌روه‌ری تێدا قۆڵبه‌ست کرابوو، وه‌ڕێده‌خرێ.

رۆژی یه‌کشه‌ممه‌ 16ی ئۆگوست، شڤان په‌روه‌ر و سێ هاوڕێی، له‌ نزیک شاری ئۆنتاریۆی کانادا، له‌ کاتێکدا سه‌رقاڵی وێنه‌کێشان بوون، له‌ لایه‌ن پۆلیسی شاره‌که‌وه‌ قۆڵبه‌ست و به‌شێوه‌یه‌کی ناشایست هه‌ڵشوکه‌وتیان له‌گه‌ڵ کرا.

له‌ رۆژی گیرانه‌که‌یدا شڤان په‌روه‌ر به‌ رۆژنامه‌نووسانی گوت: “ویستم قسه‌یان له‌گه‌ڵ بکه‌م، به‌ڵام به‌سه‌ریاندا قیژاندم که‌ بێده‌نگ بم و هه‌ڕه‌شه‌ی لێدان و کوشتنیان لێکردم” .

گوتیشی: “ئێمه‌ ده‌ترسیان له‌وه‌ که‌ هه‌ڵه‌یه‌ک بکه‌ین و بمانکوژن، نه‌مانده‌زانی چێ ڕوو ده‌دا. خه‌ون بوو، فیلم بوو یان گاڵته‌؟” گوتیشی: به‌ ڕاستی تا ئێستاش په‌شۆکاوم، قۆڵیشم ئازاری هه‌یه‌.

سه‌رۆکی هه‌رێمی کوردستان مه‌سعوود بارزانی، له‌ نامه‌یه‌کدا داوای له‌ سه‌رۆکوه‌زیرانی کانادا کردووه‌ که‌ به‌ شێوه‌یه‌کی فه‌رمی داوای لێبوردن له‌ شڤان په‌روه‌ر و خه‌ڵکی کورد بکات. ستێفن هارپێر تا ئێستا وه‌ڵامی ئه‌و داوایه‌ی بارزانی نه‌داوه‌ته‌وه‌.

 

Advertisements

Entry filed under: کۆنه‌بابه‌ت.

ئه‌و ده‌مه‌ی په‌لاماری ژنێک ده‌رێت کورده‌کانی باکوور بیر له‌ جیابوونه‌وه‌ ده‌که‌نه‌وه‌


ئه‌رشیڤ

ئه‌یلول 2009
د س W پ ه ش ی
« ئاب   کانونی دووهەم »
 123456
78910111213
14151617181920
21222324252627
282930  

سه‌رژمێریی میوان

  • 38,451 میوان سه‌ردانیان کردووم

%d هاوشێوەی ئەم بلۆگەرانە: