“باڵوێزی ئێران له‌ سوێد ده‌رکه‌ن”

ئه‌یلول 3, 2009 at 21:01

ڕێنێسانس نیوز؛ ستۆکهۆڵم: هاوکات له‌گه‌ڵ کۆبوونه‌وه‌ی وه‌زیرانی ده‌ره‌وه‌ی وڵاتانی ئه‌ورووپا له‌ ستۆکهۆڵم، دوو ڕێکخراوی دیاری سوێدی دێموکراسیی ناوخۆیی له‌ ئێراندا ده‌که‌نه‌ ته‌وه‌ری سه‌مینارێکیان و داواش له‌ حکوومه‌ته‌که‌یان ده‌که‌ن باڵوێزی ئێران له‌ سوێد ده‌رکات.

به‌ گوێره‌ی لێدوانێکی وه‌زاره‌تی ده‌ره‌وه‌ی سوێد، که‌ له‌ سایتی فه‌رمیی وه‌زاره‌ته‌که‌دا بلاوی کردۆ‌ته‌وه‌، وه‌زیرانی ده‌ره‌وه‌ی وڵاتانی ئه‌ندام له‌ یه‌کیه‌تیی ئه‌وروپادا بۆکۆبوونه‌وه‌یه‌کی دووڕۆژه‌ بانگهێشتی ستۆکهۆڵم کراون، که‌ سبه‌ینێ (هه‌ینی 4ی ئۆگوست) ده‌ستپێده‌کات.

هاوکات له‌گه‌ڵ ئه‌و کۆبوونه‌وه‌یه‌ ڕێکخراوی لاوانی سۆسیال دێموکرات و سه‌نته‌ری ئولاف پالمه‌، له‌ سه‌مینارێکدا بابه‌تی دێموکراسیی ناوخۆیی له‌ ئێران ده‌خه‌نه‌ به‌ر باس.

به‌گوێره‌ی لێدوانێکی چاپه‌مه‌نیی لاوانی سۆسیال دێموکرات که‌ نموونه‌یه‌کی بۆ (ڕێنێسانس نیوز) ڕه‌وانه‌ کراوه‌، سه‌میناره‌که‌ سه‌رنج ده‌داته‌ بارودۆخی ناوخۆیی ئێران و داوا له‌ کۆبوونه‌وه دوو رۆژییه‌که‌ی وه‌زیرانی ده‌ره‌وه‌ی ئه‌ورووپاش ده‌کا به‌ شێووه‌یه‌کی هاوبه‌ش گوشار بخه‌نه‌ سه‌ر کۆماری ئیسلامیی ئێران.

سه‌رۆکی ڕێکخراوی لاوانی سۆسیال دێموکراتی سوێد “ییتته‌ گوتێلاند” له‌و بواره‌وه‌ گوتی: لاوانی سۆسیال دێموکرات باوه‌ڕی وایه‌ که‌ یه‌کیه‌تیی ئه‌ورووپا ده‌بوو لێپرسراوه‌تیی خۆی به‌جێ بگه‌یه‌نێ، له‌ڕێگای پشتیوانیکردن له خه‌باتی خه‌ڵکی ئێراندا بۆ دێموکراسی. ده‌مانه‌وێ  “کارڵ بیلدت” [وه‌زیری ده‌ره‌وه‌] ئه‌و بابه‌ته‌ بێنێته‌ ڕۆژه‌ڤی کۆبوونه‌وه‌‌که‌ی وه‌زیرانی ده‌ره‌وه‌ و وڵاتانی ئه‌ندامی یه‌کیه‌تیی ئه‌ورووپاش لێدوانێکی هاوبه‌ش بده‌ن بۆ پشتیوانیکردن له‌ دێموکراسی له‌ ئێراندا.”

گوتیشی:”سوێد سه‌رۆکایه‌تیی خۆی له‌ یه‌کیه‌تیی ئه‌ورووپادا به‌ جدی ناگرێ. ئێمه‌ چاوه‌ڕوانیمان ئه‌وه‌بوو که‌ سه‌رۆکایه‌تیی یه‌کیه‌تیی ئه‌ورووپا هه‌ڵوێستێکی نموونه‌یی له‌خۆی نیشان بدا و باڵوێزی ئێران ڕه‌وانه‌ی وڵاته‌که‌ی خۆی بکاته‌وه‌. که‌چی سوێد ده‌ست به‌ پشتی ڕژیمی ئێران دادێنێ و باڵوێزی خۆی ده‌نێرێ بۆ ڕێوڕه‌سمی سوێندخواردنی ئه‌حمه‌دی نه‌ژاد.

له‌ سه‌میناره‌که‌ی لاوانی سۆسیال دێموکرات و سه‌نته‌ری ئولاف پاڵمه‌دا، که‌ بڕیاره‌ کاتژمێر 10ی سه‌رله‌به‌یانیی رۆژی هه‌ینی (4/9/2009) به‌ڕیوه‌بچێ، بێجگه‌ له‌ نوێنه‌رانی هه‌ردوو ڕێکخراو، ژماره‌یه‌ک چالاکی سیاسی و هونه‌ریی ئێرانیش به‌شدار ده‌بن.

Advertisements

Entry filed under: کۆنه‌بابه‌ت.

کورده‌کانی باکوور بیر له‌ جیابوونه‌وه‌ ده‌که‌نه‌وه‌ ئیسرایل بنکه‌یه‌کی سه‌ربازی له‌ نزیک ئێران ده‌کاته‌وه‌


ئه‌رشیڤ

ئه‌یلول 2009
د س W پ ه ش ی
« ئاب   کانونی دووهەم »
 123456
78910111213
14151617181920
21222324252627
282930  

سه‌رژمێریی میوان

  • 38,484 میوان سه‌ردانیان کردووم

%d هاوشێوەی ئەم بلۆگەرانە: