وه‌زیره‌ ژنه‌که‌ی حکوومه‌تی ئه‌حمه‌دی نه‌ژاد به‌ “چه‌واشه‌کردنی داخوازییه‌کانی ژنان” ده‌زانێ

ئه‌یلول 5, 2009 at 10:11

ڕێنێسانس نیوز؛ ستۆکهۆڵم: ژنه‌ پارله‌مانتارێکی ئێرانی که‌ ئێستا دانیشتووی ویلایه‌ته‌یه‌کگرتووه‌کانی ئه‌مریکایه‌، پێی وایه‌ که‌ دانانی وه‌زیرێکی ژن له کابینه‌ی ئه‌مجاره‌ی حکوومه‌تی ئه‌حمه‌دی نه‌ژاددا، هچه‌واشه‌کردنی داخوازییه‌کانی ژنانه‌ و هیچ مانایه‌کی نییه‌.
ئه‌ندامی  پێشووتری مه‌جلیسی شوورای ئیسلامیی ئێران “فاتمه‌ حه‌قیقه‌تجوو”، (وێنه‌) که‌ ئێستا دانیشتووی ئه‌مریکایه‌ و له‌  سه‌میناره‌که‌ی رۆژی هه‌ینیی ستۆکهۆڵمدا به‌شدار بوو، سه‌باره‌ت به‌و وه‌زیره‌ ژنه‌ی که‌ له‌ کابینه‌ی نوێی حکوومه‌ته‌که‌ی ئه‌حمه‌دی نه‌ژاددا جێ ده‌گرێ، ڕایگه‌یاند: “ئه‌و [مه‌رزیه‌ وه‌حید ده‌ستجێردی] ته‌نیا ڕۆڵێکی سوننه‌تی به‌ ژنان ڕه‌وا ده‌بینێ. ئه‌حمه‌دی نه‌ژاد ئه‌وی داناوه‌ بۆ ئه‌وه‌ی ئاراسته‌ی پێداویستییه‌کانی ژنان چه‌واشه‌ بکات.”

ناوبراو، که‌ له‌ سه‌رده‌می کابینه‌ی محه‌مه‌دی خاته‌میدا ئه‌ندامی مه‌جلیسی شوورای ئیسلامیی ئێران بووه‌ و ئێستا ناتوانێ بگه‌ڕێته‌وه‌ ئێران، ڕوونی ده‌کاته‌وه‌ که‌ “ژنان ڕۆڵێکی به‌رچاویان گێڕاوه‌ له‌ ناڕه‌زایه‌تییه‌کانی هاوینی ڕابردوودا، به‌ڵام هاوکات نه‌هاتییه‌کانی بزووتنه‌وه‌ی ژنانیش به‌رچاو بووه. “

جه‌ختیشی ده‌کاته‌وه‌ که‌ “ڕژیمی ئێران نیگه‌رانه‌ له‌ ڕه‌وایه‌تی خۆی له‌ ئاستی جیهانیدا، که‌ ئێستا زیانێکی به‌رچاوی پێگه‌یشتووه‌. ئامانجی ئه‌وه‌یه‌ که‌ ملهوڕی و ناڕه‌یه‌تییه‌کانیش بێده‌نگ بکات، بۆ ئه‌وه‌ی درێژه‌ به‌ دانوستانی خۆی بدا له‌ گه‌ڵ ده‌ره‌وه‌.”

Advertisements

Entry filed under: کۆنه‌بابه‌ت.

ئیسرایل بنکه‌یه‌کی سه‌ربازی له‌ نزیک ئێران ده‌کاته‌وه‌ بزووتنه‌وه‌ی چه‌پ و سه‌رهه‌ڵدانه‌کانی ئێران ده‌بێته‌‌ تێمای گۆڤارێکی سۆسیالیستی


ئه‌رشیڤ

ئه‌یلول 2009
د س W پ ه ش ی
« ئاب   کانونی دووهەم »
 123456
78910111213
14151617181920
21222324252627
282930  

سه‌رژمێریی میوان

  • 38,484 میوان سه‌ردانیان کردووم

%d هاوشێوەی ئەم بلۆگەرانە: