ده‌ته‌په‌ له‌ مافی په‌نابه‌ره‌ ئێرانییه‌کان ده‌پرسێته‌وه

ئه‌یلول 12, 2009 at 12:38

ڕێنێسانس نیوز؛ له‌ وه‌ڵامی پرسیارێکی پارله‌مانتاری دیاربه‌کری ده‌ته‌په‌ “گولته‌ن کشاناک”دا، وه‌زیری ناوخۆی تورکیا “به‌شێر ئاتاڵای” ڕایگه‌یاند: “له‌ دوای هێرشه‌که‌ی ئه‌مریکا بۆ سه‌ر ئێڕاق له‌ ساڵی 2003دا،‌ 1204 ئێرانی له‌ سنووره‌کانی ئێران و ئێڕاقه‌وه‌ هاتوونه‌ ناو تورکیا. له‌وانه‌ ته‌نیا 136 که‌سیان ڕه‌وانه‌ی وڵاتی سێهه‌م و به‌شیکیشیان ڕه‌وانه‌ی ئێران کراونه‌وه‌.
له‌ نامه‌ی پارله‌مانتاره‌که‌ی ده‌ته‌په‌دا باسی بارودۆخی ناڕوونی ئه‌و به‌شه‌ له‌ په‌ناخوازان کراوه‌‌ که‌ به‌ “شومال ئێراقی” ناسراون و به‌شێکیان له‌ کادر و ئه‌دندامه‌کانی پێشووی حیزبه‌ کوردییه‌کانی ڕۆژهه‌ڵاتن و وه‌زیری ناوخۆش له‌و بواره‌وه‌ باسی ئه‌وه‌ی کرد که‌ “ئه‌و په‌ناخوازانه‌ به‌ بانگه‌شه‌ی ئه‌وه‌ی گۆیا له‌ وڵاتی خۆیان زوڵمیان لێ کراوه‌ له‌ لای بیرۆی نه‌ته‌وه‌ یه‌کگرتووه‌کان له‌ ئێڕاق ناونووس و به‌رپرسیاره‌تییه‌که‌یان ده‌که‌وێته‌ ئه‌ستۆی ئێراق و بیرۆی ئێڕاقی نه‌ته‌وه‌یه‌کگرتووه‌کان. ئاماژه‌ی به‌وه‌شکرد که‌ “بابه‌تی په‌نادانی ئه‌وانه‌ له‌ تورکیا جێگای باس نییه‌.”

ئاتاڵای ڕوونی کرده‌وه‌ که‌ “وڵاته‌که‌مان به‌ شێووه‌یه‌کی ئه‌رێنی له‌ بابه‌تی ئه‌و په‌ناخوازانه نزیک بۆته‌وه‌ و مه‌رجه‌کانی ئاسانکاریی ژیانیشی بۆ ئاماده‌ کردوون. پێناسی مافی نیشته‌جێبوونیان له‌ کاتی خۆیدا نوێ کراوه‌ته‌وه‌ و منداڵه‌کانیشیان له‌ قوتابخانه‌کاندا ناونووس ده‌کرێن و هه‌موو ئاسانکارییه‌کی دیکه‌ی کاری و … بۆ ده‌کرێ.”

ئه‌و وه‌زیره‌ی تورکیا دووباره‌شی کرده‌وه‌ که‌ ئه‌وانه‌ی نه‌خۆشیی جدیی وه‌ک دڵ، شێرپه‌نجه‌ و دیکه‌ی نه‌خۆشییه‌ مه‌ترسیداره‌کانیان هه‌بێ مافی نیشته‌جێ بوون و له‌ کاتی چوونیشیاندا بۆ وڵاتی سێهه‌م، یارمه‌تیی پێویستیان ده‌درێ و مافی تێپه‌ڕینیان به‌ تورکیادا پێ ڕه‌وا ده‌بینرێ.

سه‌باره‌ت به‌ بابه‌تی ڕاده‌ستکردنه‌وه‌ی په‌نابه‌رانیش به‌ ئێران، ئاتاڵای گوتی: “ئه‌و په‌نابه‌رانه‌ی له‌و چوارچیوانه‌دا مافی نیشته‌جێبوونی کاتییان پێ ڕه‌وا بینراوه‌، ڕاده‌ستی وڵاتی خۆیان که‌ ئێرانه‌، ناکرێنه‌وه‌. تورکیا سه‌باره‌ت به‌و گرووپه‌ پێودانگه‌ حقوقییه‌کانی نێونه‌ته‌وه‌یی ڕه‌چاو ده‌کا.

 

Advertisements

Entry filed under: کۆنه‌بابه‌ت.

به‌رهه‌مهێنانی شه‌رابی ئیسلامی کوشتاری بنه‌ماڵه‌یه‌کی کورد له‌ که‌رکووک


ئه‌رشیڤ

ئه‌یلول 2009
د س W پ ه ش ی
« ئاب   کانونی دووهەم »
 123456
78910111213
14151617181920
21222324252627
282930  

سه‌رژمێریی میوان

  • 38,451 میوان سه‌ردانیان کردووم

%d هاوشێوەی ئەم بلۆگەرانە: