“ڕووداوه‌کانی که‌مپی ئه‌شره‌ف ڕوون که‌نه‌وه‌”

ئه‌یلول 12, 2009 at 00:10

ڕێنێسانس نیوز؛ ڕێکخراوی لێبوردنی نێوده‌وڵه‌تی، له‌ نامه‌یه‌کدا بۆ سه‌رۆکوه‌زیرانی ئێڕاق نووری مالیکی، به‌ توندی ڕه‌خنه‌ له‌ حکوومه‌تی ئێڕاق ده‌گرێ سه‌باره‌ت به‌ ڕووداوه‌کانی که‌مپی ئه‌شره‌ف و داواش ده‌کا لێکۆڵینه‌وه‌یه‌کی خێرا و بێلایه‌ن له‌ سه‌ر کۆی ڕووداوه‌کان بکرێت.
ڕێکخراوی لێبوردنی نێوده‌وڵه‌تی له‌ نامه‌که‌یدا داوا له‌ نووری مالیکی ده‌کات “لێکۆڵینه‌وه‌یه‌کی خێرا و بێلایه‌ن ئه‌نجام بدرێت، له‌ مه‌ڕ ڕووداوه‌کانی رۆژانی 28 و 29ی جولای که‌مپی ئه‌شره‌ف، که‌ تێیدا هێزه‌ ئه‌منییه‌کانی ئێڕاق پانه‌وپان هێرشیان کرده‌ سه‌ر ئه‌و کۆمه‌ڵه‌ که‌سه‌ی که‌ له‌ حاڵی ناڕه‌زایه‌تیی ده‌ربڕیندا بوون له‌ به‌رامبه‌ر هێرشه‌که‌ی سوپای ئێڕاقدا.”

وه‌ک ئه‌مێنێستی ئاماژه‌ی پێکردووه‌ سوپای ئێراق له‌و هێرشه‌دا “به‌بێ به‌هانه‌ ته‌قه‌ی له‌ ناڕازییه‌کان کردووه‌، که‌ بۆته‌ هۆی کوژرانی لانیکه‌م نۆ که‌س و بریندار بوونی ژماره‌یکی زۆرتر.”

ئه‌مێنێستی ڕایده‌گه‌یه‌نێ که‌ “ئه‌وانه‌ی ده‌ستووری هێرشه‌که‌یان داوه‌، که‌ تێیدا که‌ڵک له‌ توندوتیژیی له‌ڕاده‌به‌ده‌ر وه‌رگیراوه‌، هه‌روه‌ها ئه‌وانه‌ی ده‌ستدرێژییه‌که‌یان ئه‌نجام داوه‌، ده‌بێ له‌ کار دوور بخرێنه‌وه‌ و دادگایی بکرێن.”

ڕێکخراوه‌که‌ هه‌روه‌ها به‌ توندی نیگه‌رانی بارو دۆخی ئه‌و 36 گیراوه‌ی موجاهیدینه‌ که‌ له‌ رۆژی هێرشه‌که‌دا قۆڵبه‌ست و ڕه‌وانه‌ی گرتووخانه‌ی شاری “ئه‌لخالیس” کراون. به‌گوێره‌ی ئه‌و زانیارییانه‌ی به‌ ڕێکخراوه‌که‌ گه‌یشتووه‌، گیراوه‌کان ئه‌شکه‌نجه‌ کراون. ئه‌مێنێستی له‌ نامه‌که‌یدا داوا له‌ سه‌رۆکوه‌زیرانی ئێراق ده‌کا که‌ “گیراوه‌کان هه‌ر ئێستا ئازاد بکرێن ـ ئه‌گه‌ر به‌ فه‌رمی تۆمه‌تبار نه‌کرابن”.

له‌ کۆتاییشدا جه‌ختی ده‌کاته‌وه‌ که‌ “ڕێکخراوی لێبوردنی نێوده‌وڵه‌تی دژی گێڕانه‌وه‌ی زۆره‌ملی هه‌موو ئێرانییه‌که، به‌و 36 گیراوه‌ و دیکه‌ی دانیشتوانی که‌مپی ئه‌شره‌فیشه‌وه‌، چوونکا مه‌ترسی ئه‌وه‌ ده‌کرێ مافه‌ مرۆییه‌کانی ئه‌وانه‌ زۆر به‌ جدی پێشێل، یانیش ئه‌شکه‌نجه‌ و ته‌نانه‌ت له‌داریش بدرێن.”

 

Advertisements

Entry filed under: کۆنه‌بابه‌ت.

حکوومه‌تی ئوسترالیا په‌که‌که‌ی خسته‌‌ لیستی تیرۆره‌وه‌ به‌رهه‌مهێنانی شه‌رابی ئیسلامی


ئه‌رشیڤ

ئه‌یلول 2009
د س W پ ه ش ی
« ئاب   کانونی دووهەم »
 123456
78910111213
14151617181920
21222324252627
282930  

سه‌رژمێریی میوان

  • 38,451 میوان سه‌ردانیان کردووم

%d هاوشێوەی ئەم بلۆگەرانە: