جه‌لال تاڵه‌بانی: ڕێگه‌ به‌ هیچ وڵاتێک ناده‌ین له‌ وڵاته‌که‌مانه‌وه‌‌ هێرش بکاته‌ سه‌ر ئێران

ئه‌یلول 27, 2009 at 20:46

ڕێنێسانس نیوز؛ ئاسۆشییه‌تێد پرێس: سه‌رکۆماری ئێڕاق ڕایگه‌یاند که‌ ئابڵۆقه‌ی ئابووری به‌ دژی ئێران هیچ ئه‌نجامێکی نابێ و وشیاریشی دا که‌ ڕێگه‌ نادات ئیسرایل یان هه‌ر وڵاتێکی دیکه‌ ئاسمانی وڵاته‌که‌ی به‌کار بێنێ، بۆ هێرشکردنه‌ سه‌ر دامه‌زراوه‌ ئه‌تۆمییه‌کانی ئێران.
تاڵه‌بانی ئاماژه‌ی به‌وه‌ش‌ کرد که‌ شه‌ش زلهێزه‌که‌ ـ ویلایه‌ته‌ یه‌کگرتووه‌کانی ئه‌مریکا، ڕووسیا، چین، بریتانیا، فه‌ڕانسه‌ و ئه‌ڵمانیا ـ پێویسته‌ “دانوستانی ڕاسته‌قینه‌” له‌گه‌ڵ ئێران ده‌ست پێ بکه‌ن و گه‌ره‌نتیش بده‌ن به‌ تاران که‌ مافی به‌رهه‌مهێنانی وزه‌ی ناوکی هه‌یه‌ به‌ مه‌به‌ستی ئاشتیخوازانه‌. گوتیشی: “له‌وانه‌یه‌ ئه‌و شێوازه‌ سه‌رکه‌وتوو بێ، له‌وانه‌یه‌”

ئێران و ئێڕاق بۆ ماوه‌ی هه‌شت ساڵ به‌شه‌ڕ هاتوون، به‌ڵام دوای ڕووخانی ڕژیمی سه‌دام و دامه‌زراندنی حکوومه‌تێکی شیعه، په‌یوه‌ندییه‌کانیان باشتر بووه‌.

ڕۆژنامه‌نووسێک له‌ تاڵه‌بانیی پرسی داخوا ئێراق باوه‌ڕی به‌ ئێران هه‌یه‌ کاتێک ده‌ڵێت نایه‌وێ چه‌کی ناوکی به‌رهه‌م بێنێ، به‌ تایبه‌ت دوای ئاشکرابوونی دامه‌زراوه‌یه‌کی نوێی پیتاندنی یۆرانیۆم. تاڵه‌بانی له‌و بواره‌وه‌ گوتی: “پێم وایه‌ سه‌رۆکایه‌تیی ئێران ڕوونی کردۆته‌وه‌ که‌ بۆمبه‌که‌ دژی ئیسلامه، چوونکا خه‌ڵکی بێتاوان ده‌کوژێ. ئه‌وان به‌ ئاشکرا گوتوویانه‌ که‌ نایانه‌وێ چه‌کی ناوکی به‌رهه‌م بێنن، به‌ڵکوو که‌ڵک له‌ ته‌کنۆلۆژیی ناوکی وه‌رگرن.”

سه‌باره‌ت به‌ کاریگه‌ریی ئابڵۆقه‌ی ئابووریش به‌ دژی ئێران تاڵه‌بانی گوتی: “باوه‌ڕ ناکه‌م ئابڵۆقه‌ی ئابووری ئێران ناچار بکات سیاسه‌تی خۆی بگۆڕێت.” ئاماژه‌ی به‌وه‌ش کرد که‌ “هه‌نگاوی یه‌که‌م دانوستان و دیالۆگه‌.”

تاڵه‌بانی پشتیوانیی وڵاته‌که‌شی له‌ بیرۆکه‌ی “هه‌رێمێکی بێ چه‌کی ناوکی له‌ ڕۆژهه‌ڵاتی ناوه‌ڕاست” راگه‌یاند و هه‌ر وه‌ک دووباره‌شی کرده‌وه‌ که‌ “ئێراق به‌ مافی هه‌موو گه‌لانی ده‌زانێ که‌ وزه‌ی ناوکی بۆ مه‌به‌ستی ئاشتیخوازانه‌ به‌کار بێنن”، به‌ڵام دژایه‌تیی خۆشی ڕاگه‌یاند بۆ به‌رهه‌مهێنانی چه‌کی ناوکی له‌لایه‌ن وڵاتانی ڕۆژهه‌ڵاتی ناوه‌ڕاسته‌وه‌.

سه‌باره‌ت به‌ ئه‌گه‌ری هێرشی ئیسرایلیش بۆ سه‌ر دامه‌زراوه‌ ناوکییه‌کانی ئێران، تاڵه‌بانی گوتی: “ئێراق ئیزن به‌ هیچ وڵاتێک نادات ئاسمان یان زه‌وییه‌که‌ی به‌کار بێنێ بۆ هه‌ر شه‌ڕ یان هێرشکردنێک.” گوتیشی: “به‌ دڵنیایی‌یه‌وه‌ نیگه‌رانین له‌ هه‌ڵایسانی شه‌ڕێکی نوێ له‌ ڕۆژهه‌ڵاتی ناوه‌ڕاست، ئێمه‌ لایه‌نگری سه‌قامگیرین له‌ ناوچه‌که‌دا.”

هه‌ر له‌و پرێس کۆنفڕانسه‌دا تاڵه‌بانی ئاماژه‌ی به‌ هێرشه‌ تیرۆریستییه‌کانی ناوخۆی ئێڕاقیش کرد و بێ ئه‌وه‌ی ناوی هیچ وڵاتێک بێنێ، ئاماژه‌ی به‌ “ڕۆڵی وڵاتانی هه‌رێمه‌که‌” کرد له‌و هێرشانه‌دا، که‌ ئه‌و به‌ “تاوان به‌ دژی مرۆڤایه‌تی” وه‌سفی کردن.

 

Advertisements

Entry filed under: کۆنه‌بابه‌ت.

سه‌رمایه‌دارانی بێگانه‌ له‌ ئیداره‌ی گه‌نده‌ڵی کوردی سڵ ده‌که‌نه‌وه‌ ڕێکخراوێکی ئێراقی: گیراوه‌کانی موجاهیدین له‌ سه‌روبه‌ندی مه‌رگ دان


ئه‌رشیڤ

ئه‌یلول 2009
د س W پ ه ش ی
« ئاب   کانونی دووهەم »
 123456
78910111213
14151617181920
21222324252627
282930  

سه‌رژمێریی میوان

  • 38,484 میوان سه‌ردانیان کردووم

%d هاوشێوەی ئەم بلۆگەرانە: